Во период од 25 до 30 април годинава, студентите и професорите на „Еуро Колеџ“ имаа можност да разменуваат и усовршуваат знаења и компетенции преку проектот за Еразмус мобилност подржан од Националната агенција за европски образовни програми и мобилност а кој беше организиран во соработка со University College Wisdom од Албанија. Двајца професори од University College Wisdom одржаа предавања на студенти на теми од областа на економијата и бизнисот и разменуваа искуства со професорите и персоналот на Еуро Колеџ- Куманово.
Оваа соработка започна во 2018 година каде Еуро Колеџ од Куманово и University College Wisdom од Албанија работеа на проект со уште 4 државни универзитети од Европа а носител беше познатиот La Sapienza University од Италија. Самиот проект резултираше со понатамошна соработка помеѓу учесниците која доведе до уште еден успешно реализиран проект годинава.
По завршувањето на овој проект „Еуро Колеџ“ продолжува со реализација на други проектни активности на размена на студенти и професори. Предвидена е посетата на професори од Босна и Малезија во Куманово, а нивни професори заминуваат за Америка, Азербејџан и Индонезија каде ќе посетуваат обука и ќе држат предавања на тамошните факултети. Еуро Колеџ зад себе има многу соработки и реализирани проекти со Универзитети од светот уште од 2015 година.
