Задолжителни – Прв семестар
Организациска Теорија и Развој
Во овој модул студентите учат како да разликуваат и да направат микро и макро анализа на организации, се изучуваат улогите на врвните менаџери, а исто така и разликите помеѓу различните видови организациски структури и модели. Дополнително, студентите го развиваат своето знаење за тоа како да ги проценат надворешните сили кои влијаат врз ресурсите и развојот на организацијата и да ја оценат организацијата од гледна точка на управување
Глобален Маркетинг
Примарна цел на модулот е да можат студентите да ги препознаваат културните разлики во различни глобални региони и нивниот ефект врз водењето на меѓународниот бизнис и да можат да ги анализираат овие културни разлики во однос на можностите и инхерентниот ризик во спроведувањето на маркетинг активности и во сегментирањето на глобалните пазари.
Методологија на Истражување
Овој модул се занимава со критичка евалуација на современите научно-истражувачки концепти, техники, стратегии и теории за да можат истите да бидат применливи за нивните истражувања. Од студентот се бара да применува лични усвоени истражувачки вештини во бројни ситуации и научни контексти.
Изборни – Прв семестар
Меѓународна економија
Овој Модул се фокусира на меѓународната економија, трговија и финансиите и соодветната примена на оваа економско-техничка дисциплина во рамките на работењето на економијата. Студентите треба да анализираат како се управува со процесите и принципот на спроведување на активностите во меѓународната економија, трговија и финансии како и да ги синтетизираат сите релевантни постапки
Иновации и претприемништво
Овој предмет опфаќа проучување на теориите базирани на иновации и идеи, изучување на економскиот процес на иновациите на ниво на претпријатие. Главен фокус е да се разбере новата претприемачка економија и улогата на централната власт и поширокото општество во креирањето на претприемачката деловна клима
Корпоративни Комуникации
Основниот фокус на овој модул ќе биде да се идентификуваат клучните функции на одделенијата за организациска комуникација во рамките на една корпорација; да се идентификува дизајнот на моделот за стратешко планирање на корпоративната комуникација и да се препознаат посебните комуникациски функции, вклучувајќи ја владата, инвеститорите и односите со потрошувачите.
Задолжителни – Втор семестар
Културен и социјален менаџмент
Овој уникатен модул ќе понуди хибридна методологија во истражувањето на различните стратегии низ историјата на човештвото од епистемолошка, антрополошка и онтолошка гледна точка. Понатаму, ќе го следи развојот на пазарот и неговото ширење во културата од времето на просветителството до сегашната позиција на доцниот капитализам.
Специјалистички труд
Фокус на овој модуле е да го подготви студентот да идентификува тема за истражување и да формулира истражувачко прашање, да спроведе темелен преглед на литературата и да претстави сеопфатна студија во согласност со научните практики кои се однесуваат на избраните методи. На крајот, тој треба да биде способен да произведе добро аргументиран емпириски, теоретски и/или методолошки придонес во избраното поле на истражување и да може да обезбеди практични импликации кои можат да ја формираат основата за секое идно истражување.
Изборни – Втор семестар
Финансии и менаџмент на финансии
Модулот ќе се фокусира на методологијата која ќе им овозможи на студентите да разликуваат финансиското планирање и личните финансии како и соодветна примена на оваа дисциплина во рамките на финансиското работење . Студентите исто така ќе ги разберат принципите на личните финансии и планирањето неопходно за критичка проценка на ризиците што постојат во секторот на финансиската индустрија.
Бизнис Моделирање
Моделот се фокусира на разбирање за системи за поддршка базирани на модели кои се потребни и кои може да се користат во процесите на донесување на менаџерски одлуки. Се оценуваат различни модели за примена на техники за моделирање и валидација. Имплементирани се DSS базирани модели кои користат Excel, Crystal Ball, @Risk и други софтверски пакети.
